12星座創業攪咩生意好？
12星座創業攪咩生意好？
好多年輕人都想自己創業過下老闆癮，不過大部分都會因為資金有限而只能攪下小生意，咁咩星座人適合攪咩生意好呢？
白羊座
走響時代尖端的白羊座就梗係最適合攪潮流事，例如賣下日本最新的科技玩意，又或者入一d最新最潮的水貨時裝咁，總之就係唔新唔貴唔攪果隻！另外，因為大部分白羊人的運動細胞都好強，所以攪下體育用品，好似滑水板、單車咁都係一個選擇！
金牛座
得到支配星金星的關照，金牛人響美感方面特別有天份，凡係涉及扮靚，藝術同品味有關的生意都可以，所以攪時裝店、賣下首飾咁都係唔錯的選擇；另外係金牛人對錢銀觀念好好，攪下金融做兌換店都好；最後金牛仍好鍾意大自然，賣下有機食物都得！
雙子座
乜都貪新鮮又充滿好奇心的雙子人，最適合攪下科技產品，唔一定要係最好，但就一定要係最新穎最新潮，賣最新款的手提電話，最新款的遊戲機，更加好的就梗係帶d鬼馬的新產品玩物，例如係瘦臉機、咩真空防臭機，總之集玩同新於一身的潮流產物就最好！
巨蟹座
一向識飲識食，又最鍾意入廚的巨蟹座唔駛講頭號選擇就梗係同飲食行業有關，小小資金開間甜品屋，多少少資金可以開間樓上咖啡屋！另外一個可以考慮的方向就係同細蚊仔有關，巨蟹人不嬲都出名有愛心同細心，仲有媽媽feel，賣細路產品最易攪掂d媽媽！
獅子座
講到呢位孩子王，攪的生意就梗係都同玩有關，最簡單咪攪下玩具舖，賣下扭蛋盒蛋咁，佢可以寓工作於娛樂；另外仲有係賺細蚊仔錢，唔係好似巨蟹人果種隔一重，而係直接同細蚊仔有交流果隻，例如開補習社、託兒所、學習班等，事關獅子人係出乎地鍾意細蚊同受細蚊仔歡迎！
處女座
講到處女座佢就最擅長分析同整理，最簡單就係幫人做下數報下稅，如果唔係呢方面的專業人士呢，可以開返間速遞公司，因為以佢咁精明細心的頭腦，佢一定可以安排到最快捷最全面最慳錢同時間的分配路線；又或者處女人天生好注重健康，開返間營養午餐配果汁舖都好！
天秤座
同金牛座一樣，天秤座都係好有藝術觸角同品味，再加上佢有一對靈巧的手，所以除開時裝店又或者賣藝術品之外，仲可以考慮賣化妝品，幫人化妝set頭；不過要留意的係，天秤座本身有種獨有的高貴，如果攪生意宜走高檔路線，10蚊件街邊貨衫唔係你杯茶！
天蠍座
要論攪小生意，最大成功機會的一定係天蠍座，事關佢好容易洞悉到消費者的心態同模式，野心又大又願做，成功率當然大大提高啦！至於適合攪乜，論門面同包裝，其實最好攪占卜舖，中西式都掂，尤其係西式好似塔羅牌咁，唔講有冇料，剩係個樣都呃晒！
人馬座
講到呢個大細路，如果真係創業唔講做咩生意，最先要留意的係唔可以投資得太大，最好先由網上開始，事關佢冇乜責任感同恆心，一旦租間舖簽兩年約，佢都唔知會唔會做到半年；至於攪咩好呢，主要都係圍繞返個人興趣，最好同玩或者旅行有關，例如爬山用品、遊戲機之類！
山羊座
當然以山羊座對事業咁有野心，攪生意就梗係最好攪大佢，不過話明得少少資金，攪大佢都要賺到第1桶金先，如果資本少少細生意攪咩最好？以山羊座呢種咁克苦耐勞又唔怕悶的性格，其實開返間影印舖幫人影響就最好，痴呆影印痴呆釘裝，對佢冇難度，趕住要做通宵，佢都冇問題！
水瓶座
水瓶人同雙子人一樣都係好適合做科技生意，不過唔同的係水瓶座唔會好似雙子座咁表面，佢係真真正正適合攪新科技行係人前面，係真正的IT人；情況就好似係雙子人適合賣新潮產品，而水瓶人就係適合做發明呢樣產品果個，所以水瓶座可以攪下IT、寫下program，又或者幫人整電腦！
雙魚座
其實雙魚座同天蠍座有d相似，佢的第6感都好強，再加上佢愛心爆棚又善解人意，所以幫人占卜再加開解下都係一門好生意！另外針對佢容易同人打交道呢，其實賣下小精品或者小飾物都好適合佢，不過要留意因為天生糊塗，太過時令同分季節的就唔好攪啦！
查看全部回復
我也來說兩句